Бусаны боомтод очсон Оросын хөлөг онгоц вирусийн шинэ голомт болжээ

0
1520

Бусаны боомтод 6-р сарын 19-нд очсон Оросын ачааны хөлөг онгоцонд ажиллаж байсан нийт 21-н ажилчдын 16-н коронавирусийн халдвар авчээ. Бусан хотын эрүүл мэндийн газраас мэдэгдэж буйгаар тус 16-н иргэний 14 эрэгтэй, 2 нь эмэгтэй бөгөөд эдгээр иргэдийн ойрын хавьтагч 92 иргэн байгаа талаар өнөөдөр/2020.06.23/ мэдэгдсэн байна. 92 иргэний хувьд Бусаны боомтод ажиллаж байсан Солонгос иргэд бөгөөд эдгээрийн 34 нь хөлөг онгоцноос ачаа буулгах ажил, 6 нь засварын ажил хийж байжээ. Үлдсэн иргэдийн хувьд хөлөг онгоцны ачаа шалгагч, ачаа буулгах компаний ажилчид, орчуулагч зэрэг ажлыг хариуцан хийж байсан байна. Мөн хөлөг онгоцон дээрээс ачаа буулгах ажил энэ сарын 21-ны өдрөөс 22-ны өдрийн 11 цаг хүртэл үргэлжилсэн бөгөөд энэ хугацаанд хөлөг онгоцон дээр байсан ажилчид өөр тийшээ явсан байх магадлалтай ажээ. Одоогийн байдлаар Бусан хотын зүгээс ойрын хавьтагч болох 92 иргэнийг тусгаарлаж маргааш /2020.06.24/ хүртэл халдварын шинжилгээ авах аэ. Ялангуяа хөлөг онгоц дамжин засвар хийдэг зургаан ажилчныг яаралтай тусгаарлаж шинжилгээ авч байгаа юм байна.

Солонгос мэдээ булан

WWW.MGLRADIO.COM

Сэтгэгдэл үлдээх