Маргаашнаас маск зүүгээгүй иргэнийг тээврийн хэрэгсэлд суулгахгүй

0
92

БНСУ-ын засгийн газраас энэ сарын 26-ны өдрөөс эхлэн маск зүүгээгүй иргэдийг тээврийн хэрэгсэлд суулгахгүй байх шийдвэр гаргажээ. Учир нь Солонгос улсад дулааны улирал эхэлж байгаа учир иргэд маскаа зүүхгүй байх тохиолдолд нэмэгдэж байгаа аж. Мөн одоог хүртэл Итэвоны шөнийн цэнгээний газартай холбоотой халдвар авсан иргэд бүртгэгдсээр байгаа юм. Тиймээс Солонгос улс маск зүүх нь эсэх нь хувь хүний сонголт биш харин үүрэг гэдгийг ард иргэддээ сануулах ажлыг эхлүүлжээ. Түүнчлэн жолооч маск зүүгээгүй зорчигчийг такси болон автобусанд суулгахаас татгалзах эрхтэй болсон байна. Ингэснээр маск зүүгээгүй зорчигчид, жолооч нар шаардлага тавихад уурлаж бухимдалгүй маскаа зүүх хэрэгтэй болжээ. Харин метронд сууж буй иргэдийг нэг бүрчлэн маскаа зүүсэн эсэхийг шалгах хүндрэлтэй учир метроны буудалд орохоос нь эхлээд сануулах зарлал явах ажээ. Мөн 5 сарын 27-ны өдрөөс эхлэн онгоцонд сууж буй зорчигч мөн адил маск заавал зүүх юм. Одоогийн байдлаар Сөүл болон Инчон, Дэгү зэрэг бүс нутгуудад олон нийтийн тээврийн хэрэгсэлд суухдаа маск зүүх журам хэрэгжиж байгаа хэдий ч маргаашаас улс орон даяар хэрэгжих эхлэх юм байна.

Солонгос мэдээ булан

WWW.MGLRADIO.COM

Сэтгэгдэл үлдээх