Бидний Тухай:

“Өргөн нэвтрүүлгийн хууль”-д 7 хоногийн хөтөлбөрийн нийт цагийн 50 хувиас доошгүй нь үндэсний нэвтрүүлэг байна гэж заасан байдаг бөгөөд манай радиогийн нийт эфир 100 ХУВЬ өөрсдийн бүтээсэн үндэсний контент юм. Түүнчлэн “Өргөн нэвтрүүлгийн тухай хууль”-д өдрийн нийт эфирийн 35 –аас багагүй хувийг шууд хөтлөгчтэй эфир эзлэх ёстой гэж заасан байдаг бол MGLRADIO-гийн тухайн өдрийн эфирийн 70 ХУВЬ буюу 14 нэвтрүүлэг шууд хөтлөгчтэйгөөр эфирт нэвтрүүлэгддэг.

Нэвтрүүлэгдэх хүрээ:

Дэлхийн Монголчуудын – MGLRADIO 88.3 нийслэл Улаанбаатар хот болон Монгол Улсын бүх аймгийн төвүүдэд /21 аймаг/ FM-88.3 долгионоор өргөн нэвтрүүлгээ дамжуулдаг.

Мөн бүх нэвтрүүлгүүд Facebook.com сайт дахь радиогийн албан ёсны пэйж хуудсаар Live хэлбэрээр, youtube.сom сайтын албан ёсны сувгаараа дахин үзэхээр байрлуулдаг бол soundcloud.сom сайтын албан  ёсны хуудсаар нөхөн сонсох, www.mglradio.com  сайтын радиогийн албан ёсны хуудсаар онлайнаар дэлхийн хаанаас ч шууд эфирийг сонсох зэрэг 6 сувгаар нэгэн зэрэг радиогийн бүх нэвтрүүлгийг хүлээн авахаас гадна  дахин үзэж, сонсож болдог хамгийн хүртээмжтэй, хамгийн олон сонсогчтой радио юм.

 

РАДИОГИЙН ТАНИЛЦУУЛГА

Дэлхийн Монголчуудын MGLRADIO нь

  • Монголын анхны онлайн радио
  • Монголын анхны “Talk radio”
  • Монголын анхны хувь хүний хөгжлийн радио
  • Монголын анхны хардаг, Live дамжуулалт бүхий радио
  • Хамгийн олон сонсогчтой радио

Түүх

2008 онд БНСУ-д Монголын анхны онлайн радио болон үүсгэн байгуулагдаж, 2009 оны 9-р сард www.mglradio.com сайтаар шууд эфирээ цацаж эхэлсэн. Тухайн үед Солонгос улсад амьдарч байсан Монголчуудын мэдээ мэдээллийн гүүр нь болж байсан юм.

2014 онд Нийслэл Улаанбаатар хотод “MGLRADIO” нэртэйгээр FM 102.1 Mhz долгионоор цацагдаж эхэлсэн.

2018 онд бүрэн шинэчлэгдэж радиогийн нэр “Дэлхийн Монголчуудын – MGLRADIO 88.3” болж 88.3 Mhz дээр цацагдаж эхэлсэн юм.

2019 оны 12-р сараас үйл ажиллагаагаа өргөжүүлэн Монгол улсын нийслэл Улаанбаатар хотоос гадна Дархан, Эрдэнэт хотууд, бусад 19 аймгийн төвд цацагдаж эхэлснээр 2020.02.20-ны байдлаар Монгол Улсын бүх аймгийн төвүүдэд цацагдаж байна.

Эфирийн бүтэц

Дэлхийн Монголчуудын MGLRADIO 88.3 нь 30-аас дээш насны сонсогчдод зориулан, хувь хүний хөгжлийг дэмжих “Talk Radio” юм.

Радио 7 хоногийн бүх өдөр 24 цагийн хөтөлбөртэй, эфирийн 70 хувийг хөтлөгчтэй шууд хүрдэг контентууд бүрдүүлнэ. Өглөө 07:30 минутаас эхлэн 22:00 цаг хүртэл, өдөрт 14 удаа хөтлөгчтэй шууд эфир цацагддаг. Үүний долоон нэвтрүүлгийг радиогийн албан ёсны 500 мянган дагагчтай пэйж хуудсаар LIVE  хэлбэрээр давхар дамжуулж байна.

РАДИОГИЙН САЛБАР / Орон нутаг болон Солонгос дахь салбар/

  1. Орон нутаг: 2019 оны дөрөвдүгээр сараас эхэлж Орхон аймаг болон Дархан-Уул аймагт өргөн нэвтрүүлгийн эфирээ цацаж эхэлсэн. Харин 2019 оны 12-р сараас эхлэн 19 аймгийн төвд шууд эфирээ цацаж эхэлснээр Улаанбаатар хот болон 21 аймагт үйл ажиллагаагаа явуулж байгаа Монголын 2 дахь радио, хувийн хэвшлийн анхны радио юм.

 

  1. Солонгос дахь Монголчуудын радио:

MGLradio.com сайт Солонгос дахь монголчуудад зориулсан сайт юм. 2009 оны 9-р сараас эхэлж үйл ажиллагаагаа явуулж эхэлсэн. Сайтаас Солонгос улсад болж байгаа үйл явдал болон Солонгос дахь монголчуудтай холбоотой өдөр тутмын мэдээ мэдээллийг Монгол хэлээр унших боломжтой.

Мөн 2020-01 сарын 2-ноос эхлэн Монголын цагаар 19-20 цагийн хооронд “Солонгос дахь Монголчуудын радио” шууд эфир хүрч байна.

Радиогийн хамт олон

Манай радио нийт 18 ажилтантай бөгөөд тэдний 6 нь эмэгтэй 12 нь эрэгтэй, ажилтны дундаж нас 37 байдаг. Манай хамт олон Дэлхий даяар тархан суурьшсан Монголчуудын мэдээ, мэдээллийн гүүр болж, тэдний алдаа оноо, ололт амжилт, үнэт зүйлсийг түгээж, орлоготой, зорилготой, хариуцлагатай, нийгмийн дундаж давхаргыг нэмэгдүүлэхэд тэмүүлж ажиллахыг эрхэм зорилгоо болгон ажиллаж байна.

Уншиж байна ...

Дахин ачаалах

Сонсох

Дууг хаах

Монгол