Сөүл хот шөнийн автобусны хөдөлгөөнийг 20%-аар багасгана

2021-07-08

Сөүл хот шөнийн автобусны хөдөлгөөнийг 20%-аар багасгана.

БНСУ-д өчигдрийн байдлаар корона вирусийн 1275 шинэ тохиолдол илэрчээ. 2 өдөр дараалан вирусийн тархалтын тоо 1000 давсан нь нийгэмд зай барих дэглэмийг чангатгахад хүрч байна.

Иймд Сөүл хотын захиргаанаас 7 сарын 8 өдрөөс эхлэн хот доторх 10 цагаас хойш үйлчлэх автобус, метроны хөдөлгөөнийг 20 хувиар бууруулах төлөвтэй байна.

Мөн дүүрэг бүрд байрлах корона вирусийн шинжилгээ авах төвийг нэмэх, залуу үеийнхний ихэд зорчдог кафе, хоолны газар, пс тоглоомын газар зэрэгт халдвар хамгаалалтыг чангатгах арга хэмжээ авна гэлээ.

Одоогоор үйлчилгээний газруудын ажиллах цаг 10 хүртэл, 5 хүнээс дээш цуглаж бөөгнөрөх хориг хэвээр байна. Түүнчлэн шөнийн 10 цагаас хойш голын эрэг, цэцэрлэгт хүрээлэнд согтууруулах ундаа хэрэглэж суухыг хориод байна.

Эх сурвалж: Asia People Mongolia 

Сэтгэгдэл (0)