Пусан хотод суугаа консулын газраас мэдээлж байна

2021-07-08

Монгол Улсын нийтээр тэмдэглэх баярын болон тэмдэглэлт өдрүүдийн тухай хуулийн 4 дүгээр зүйлийн 4.1.1 дэхь заалтын дагуу тус Консулын газар нь Үндэсний их баяр наадам, Ардын хувьсгалын 100 жилийн ойн өдөр болох 7 дугаар сарын 12-15-ны (Даваа, Мягмар, Лхагва, Пүрэв гариг) өдрүүдэд үйлчилгээ үзүүлэхгүй.

Мөн Монгол Улсын Хөдөлмөрийн тухай хуулийн 77 дугаар зүйлийн 77.3 дахь хэсэгт “Нийтээр амрах баярын өдөр, долоо хоног бүрийн амралтын өдөр ойрхон тохиосон тохиолдолд долоо хоногийн ажил, амралтын өдрийг Засгийн газрын шийдвэрээр зохицуулж болно” гэж заасны дагуу 2021 оны 6 дугаар сарын 29-ний өдрийн Засгийн газрын хуралдаанаар 7 дугаар сарын 16-ны (Баасан гариг) өдрийг 24-ний Бямба гаригт шилжүүлж ажиллуулах шийдвэр гаргасан.

Иймд Консулын газар нь 7 дугаар сарын 12-16-ны өдрүүдэд ажиллахгүй ба 7 дугаар сарын 24-ний Бямба гаригт ажиллана.

Дээрх өдрүүдэд гэмт хэрэг, нас баралт болон яаралтай бусад асуудлаар хариуцлагатай жижүүрийн 010-4966-7103, 010-5339-6090 тоот шуурхай утсанд холбогдоно уу.

Эх сурвалж: ПУСАН ХОТОД СУУГАА КОНСУЛЫН ГАЗАР

Сэтгэгдэл (0)