БНСУ-д оршин суугаа иргэдийн анхааралд

2021-07-02

БНСУ-ын Ковид-19 вакцинжуулалтын 7, 8-р сарын хуваарь гарчээ. Вакцинжуулалтад 3 сараас дээш хугацаагаар оршин сууж буй гадаадын бүх иргэд виз харгалзахгүй хамрагдах боломжтой. Та бүхэн тус улсын Халдварт өвчин судлалын төвөөс гаргасан хуваарьт заасан ажил мэргэжил, насны ангилалын дагуу вакциндаа хамрагдаж өөрийгөө болон гэр бүлээ эрсдлээс хамгаална уу.

Вакцинд доорхи хуваарийн дагуу дараахь байдлаар бүртгүүлж хамрагдана.

1. Гадаадын иргэний оршин суух үнэмлэхтэй, БНСУ-ын эрүүл мэндийн даатгал төлөгч иргэд нь дараахь хаягаар орж захиалга өгч, вакцинд хамрагдана.

https://ncvr.kdca.go.kr/cobk/index.html

2. Гадаадын иргэний оршин суух үнэмлэхгүй, БНСУ-ын эрүүл мэндийн даатгалд хамрагдаагүй, тус улсад 90-ээс дээш хоног оршин сууж байгаа (хилээр орж ирсэн он, сар, өдөртэй тамга байх) гадаад иргэдийн хувьд харьяалах дүүргийн Эрүүл мэндийн төв (보건소)-д өөрийн биеэр очиж урьдчилсан захиалгаа өгч бүртгүүлэн тусгай дугаар авсны дараа заасан хугацаанд вакцинд хамрагдана.

Эх сурвалж: ПУСАН ХОТОД СУУГАА КОНСУЛЫН ГАЗАР

Сэтгэгдэл (0)