Хилийн чанад дахь монголчуудын нэгдсэн чуулган болно

2022-06-24

Хилийн чанадад ажиллаж амьдарч байгаа иргэд, үйл ажиллагаа явуулж байгаа олон нийтийн үүсгэл санаачилгын байгууллагуудад

Эрхэм хүндэт та бүхний амрыг эрэн мэндчилье.

Монгол Улсын Ерөнхийлөгчийн ивээл дор 2022 оны 07 сарын 03-наас 05 -ны өдрүүдэд зохион байгуулагдах “Хилийн чанад дахь Монголчуудын нэгдсэн чуулга уулзалт” болон салбар уулзалтуудын бүртгэлийн хуудсыг илгээж байна.

Уг нэгдсэн чуулга уулзалтын хүрээнд 5 салбар хуралдаантайгаар өргөн хүрээтэйгээр зохион байгуулагдах бөгөөд 07 сарын 05-нд Төрийн ордонд бүхий л нийт салбар хуралдаануудаас гарсан санал, шийдэл, дүгнэлтийг танилцуулж , шийдвэр гаргагчдад гардуулж өгөх юм.

Чуулга уулзалтыг дараах нэгдсэн арга хэмжээ болон салбар хуралдаануудаар зохион байгуулна: .

1. “Гэртээ харих зам” бизнес, хөрөнгө оруулагчдын уулзалт.

2. “Монгол орны хөгжилд 17-р чуулган” - Хилийн чанад дахь иргэдийн технологийн чуулган

3. Хилийн чанад дахь эх хэл,соёлын багш нарын уулзалт

4. Хилийн чанад дахь иргэдийн эрх, нийгмийн асуудлаарх уулзалт

5. “Хилийн Чанад дахь Монголчуудын Зөвлөл” НҮТББ-ын IV чуулган. / Холбоо, ТББ-уудын уулзалт/

6. Хилийн чанад дахь Монголчуудын нэгдсэн чуулга уулзалт зэрэг болно.

Энэхүү чуулга уулзалт нь төр засгаас хилийн чанад дахь иргэдийн талаарх төр засгийн бодлогыг шинэ түвшинд гаргах, иргэд, байгууллагууд төр засагтай дараагийн шатанд хэрхэн хамтран ажиллахыгаа тодорхойлох чухал ач холбогдолтой уулзалт болгохын төлөө ЕТГ, Яамд, агентлагууд, манай ХЧМЗ НҮТББ-ын оролцоо бүхий хамтарсан ажлын хэсэг байгуулагдан ажиллаж байна.

Иргэд, байгууллагуудын төлөөлөл та бүхнийг чуулга уулзалтын бүртгэлд идэвхтэй хамрагдаж, өөрсдийн санал бодлыг төр засагтаа хүргэх, мэдлэг, мэдээлэл олж авах боломж бүхий энэхүү үйл ажиллагаанд идэвхтэй оролцохыг урьж байна.

Та бүхэн доорх линкээр орж бүртгүүлнэ үү.

https://forms.gle/eEuudo9Say8ge2VK7

Мөн танд тодруулах зүйл байвал

mongoliansabroad.hr@gmail.com хаягаар хандаарай.

Эх сурвалж: Чуулга уулзалтын Бүртгэл, мэдээллийн ажлын хэсэг

Сэтгэгдэл (0)