БНСУ-д сармагчны цэцэг өвчний анхны сэжигтэй тохиолдлууд илэрчээ

2022-06-23

СӨҮЛ. /Yonhap/. БНСУ-д сармагчны цэцэг өвчний анхны сэжигтэй тохиолдлууд илэрсэн талаар тус улсын эрүүл мэндийн байгууллагын төлөөлөгчид өнөө өглөө мэдээлжээ.

Солонгосын Өвчинд хяналт тавих, урьдчилан сэргийлэх төвийн мэдээлснээр, хоёр сэжигтэй тохиолдол мягмар гарагт илэрсэн бөгөөд нарийвчилсан шинжилгээнүүдийг үргжлжлүүлэн хийж байна. Одоогоор тэдний талаар дэлгэрэнгүй мэдээлэл өгөөгүй байна.

Сэжигтэй тохиолдлуудын нэг нь Сөүл хотоос баруун зүгт оршдог Инчеон хотын эмнэлэгт мягмар гаргийн оройн 21:40 цагийн орчинд хүргэгдсэн гэж эмнэлгийн ажилтнууд мэдээлжээ. Инчеоны олон улсын нисэх буудалд ирэх үеэр түүнд халдварын шинж тэмдэг илэрсэн байна.

“Тухайн хүнийг сэжигтэй тохиолдлын хувиар тусгаарласан бөгөөд нарийвчилсэн шинжилгээ хийнэ” гэж эмнэлгийн төлөөлөгч мэдээлээд, үүнээс өөр дэлгэрэнгүй мэдээлэл өгөхөөс татгалзсан байна. Төв, Баруун Африкийн орнуудад түлхүү бүртгэгддэг байсан сармагчны цэцэг өвчнөөр халдварласан тохиолдолд халуурах, арьсан дээр тууралт гарах зэрэг шинж тэмдэг илэрдэг.

Эх сурвалж: Montsame.mn

Сэтгэгдэл (0)