"Самсунг" компани ирэх таван жилийн хөрөнгө оруулалтын төлөвлөгөөгөө танилцууллаа.

2022-05-25

ХОНКОНГ. /CNN/. БНСУ-ын мэдээллийн технологийн томоохон компани болох "Самсунг" 2026 он хүртэл чипний үйлдвэрлэл, эм, эмнэлгийн бүтээгдэхүүн зэрэг салбарт 356 тэрбум ам.долларын хөрөнгө оруулах төлөвлөгөөгөө мягмар гарагт танилцууллаа.

    Энэ нь өмнө нь хэрэгжүүлж байсан таван жилийн төлөвлөгөөнд зарцуулснаас 30 хувиар өссөн хэмжээ юм. Хөрөнгө оруулалтын ихэнх хэсгийг буюу 285 тэрбум ам.долларыг Өмнөд Солонгос дахь үйлдвэр, судалгааны газруудад хийнэ. Үлдсэн санхүүжилтийг хаана хуваарилах талаар тодорхой мэдээлэл өгөөгүй байна. Мөн тус компани 2025 он гэхэд шинээр 80 мянган ажлын байр буюу жил бүр 16 мянган шинэ ажлын байр бий болгохоо мэдэгдсэн байна.

Сэтгэгдэл (0)