БНАСАУ пуужин харважээ

2022-03-16

ТОКИО. /NHK/. БНАСАУ баллистик бололтой пуужин харвалаа гэж Японы телевизийн “NHK” суваг мэдээлжээ.

Тус сувгаар мэдээлснээр, Японы Ерөнхий сайдын хэрэг эрхлэх газрын дэргэд пуужингийн талаар мэдээлэл цуглуулах шуурхай штаб байгуулжээ. Одоогоор ямар нэгэн хохирол учирсан тухай мэдээлэл гараагүй байна.

Харин БНСУ-ын Штабуудын дарга нарын хорооноос, БНАСАУ Сунан нисэх онгоцны буудлын бүсээс ямар ангиллынх нь тодорхойгүй пуужин харвасан ч амжилтгүй болсон гэж мэдээлжээ. 

"БНСУ, АНУ-ын тагнуулын алба нэмэлт дүн шинжилгээ хийж байна" гэж Штабуудын дарга нарын хороо мэдэгдсэн байна.

Умард Солонгос он гарснаас хойш 10 дахь удаагаа пуужин харваж байгаа нь энэ юм.

Эх сурвалж: Montsame.mn 

Сэтгэгдэл (0)