БНСУ: БНАСАУ-тай болзолгүйгээр дээд хэмжээний уулзалт хийх боломжтой

2022-02-14

СӨҮЛ. /Yonhap/БНАСАУ-тай урьдчилсан нөхцөл тавихгүй, аливаа дэг хэлбэрийг баримтлахгүй, БНАСАУ-ын талын хүссэнээр яриа хэлэлцээ хийх сонирхолтой байна гэж БНСУ-ын Ерөнхийлөгч Мүн Жэн Ин мэдэгдлээ.

“Хоёр Солонгосын яриа хэлэлцээнд урьдчилсан нөхцөл тавих нь тохиромжгүй, урьдчилсан нөхцөл байлаа ч тэрийг ширээний ард хэлэлцэх ёстой” гэж тэрбээр мэдэгдэлдээ дурджээ.

Мөн тэрбээр, "БНАСАУ ойрын үед зэвсэгт өдөөн хатгалга хийж, Солонгосын хойгийн хурцадмал байдлыг нэмэгдүүлсэн. Гэвч энэ байдлыг бид дээд хэмжээний уулзалт, яриа хэлэлцээр хийх зэрэг арга замаар Солонгосын хойгт энхийн үйл явцыг дахин эхлүүлэх шаардлагатай байна" гэж хэлэв.

Тэрбээр зургаан талт хэлэлцээрийн механизмыг сэргээх тухай дурдаад, БНСУ-ын Засгийн газар Солонгосын хойгийн асуудлыг шийдвэрлэхийн тулд АНУ, БНХАУ, ОХУ, Япон зэрэг улстай нягт хамтран ажиллаж байгаагаа онцлон тэмдэглэжээ. 

Эх сурвалж: Montsame.mn 

Сэтгэгдэл (0)