БНСУ-д оршин суугаа иргэд вакцинд хамрагдах боломжтой болжээ

2021-06-03

БНСУ-д ковид19-ын вакцины тарилт эрчимтэй явагдаж байгаа билээ. Үүнтэй холбоотой гадаад хүмүүс хэрхэн коронагийн вакцин тариулах тухай олон хүмүүс асууж байгаа тул өнөөдөр энэ тухай дүүргийнхээ эрүүл мэндийн төвөөс тодрууллаа.

Юуны түрүүнд Солонгост нас зааж(вакцины төрөл зааж) өндөр настнуудаасаа эхэлж коронагийн вакциныг тарьж буй.

Жишээ нь, 5 сарын 6-наас 70-74 насныхан, 10-наас 65-69, 13-наас өнөөдрийг хүртэл 60-64 насныхан вакцин тариулах захиалгаа өгч үнэгүй хийлгэж болно.

БНСУ-д оршин сууж байгаа гадаадынхны хувьд коронагийн вакцин тариулах тухай:

1. Гадаадын иргэний үнэмлэхтэй болон Солонгосын эрүүл мэндийн даатгалд хамрагддаг хүмүүс энгийн Солонгос иргэнтэй яг адилхнаар вакцин тариулах захиалгаа заасан насандаа таарсан хугацаанд өгч тариулах боломжтой.

2. Солонгост хууль бусаар оршин сууж байгаа гадаад иргэд болон эрүүл мэндийн даатгал төлдөггүй гадаад иргэдийн хувьд заасан насныхаа дагуу дүүргийнхээ 보건소 буюу эрүүл мэндийн төвийн урьдчилан сэргийлэх тарилга хариуцдаг хэсэг дээр очоод захиалгаа өгөөд өдрөө тохироод коронагийн вакцин үнэгүй тариулж болно.

/Коронатай холбоотой шинжилгээ, эмчилгээ, вакцинтай холбоотой бүхий зүйлс дээр визгүй хүнийг барихгүй, иммигрэшинд мэдээлэхгүй болно/.

Солонгост ажиллаж амьдарч байгаа та бүхэнд ч гэсэн хүсвэл коронагийн вакцин тариулах боломж нээлттэй байгаа тул эргэн тойрныхоо мэдэхгүй нэгэндээ хэлж өгөөрэй.

Оршин суухтай хүмүүс коронагийн вакцины захиалгаа https://ncvr.kdca.go.kr сайтын тусламжтай өгөх боломжтой.

Мөн настай хүний захиалгыг асран хамгаалагч нь хийж өгч болно.

Мэдээг: Ж.Нармандах, БНСУ.

Сэтгэгдэл (0)