БНСУ-ын кинотеатрууд вакцин хийлгэсэн иргэдэд хөнгөлөлт үзүүлнэ

2021-06-03

СӨҮЛ. /TASS/. Вакцин хийлгэсэн иргэдэд кинотеатруудаар үйлчлүүлэхэд нь хөнгөлөлт үзүүлэхээ БНСУ-ын кинотеатруудын холбоо мэдэгджээ.

Оны эцэс гэхэд нийтийн дархлаа тогтоох, цар тахал дэгдэж эхэлснээс хойш суудал нь эзгүйрэх болсон кинотеатруудыг зорин ирэх үйлчлүүлэгчдийн тоог нэмэгдүүлэх зорилгоор хэрэгжүүлж буй энэхүү арга хэмжээ 6 дугаар сарын эцэс хүртэл хэрэгжих аж. Арга хэмжээнд тусгаснаар, вакцины дор хаяж эхний тунгаа хийлгэсэн иргэд үзвэрийн тасалбарыг 50-60 хувийн хөнгөлөлттэй худалдан авах боломжтой аж.

Үүний зэрэгцээ оршин суугчдад хямдралтай тасалбар түгээх замаар кинотеатруудад улсаас дэмжлэг үзүүлэхээ Засгийн газар мөн мэдэгдсэн байна.

Одоогоор БНСУ-д 6.35 сая хүн вакцины эхний тунгаа хийлгээд байгаа нь хүн амынх нь 12.4 хувийг эзэлж байна.

Эх сурвалж: Montsame.mn 

 

 

Сэтгэгдэл (0)