БНАСАУ-ын Хөдөлмөрийн намын бүгд хуралдаан эхэлжээ

2021-12-30

ПЁНЬЯН. /KCNA/. БНАСАУ-ын Хөдөлмөрийн намын наймдугаар Төв хорооны дөрөв дэх бүгд хуралдаан 12 дугаар сарын 27-ны өдөр эхэлж, намын Төв хорооны Улс төрийн товчооны бүрэн эрхийн хүрээнд Ерөнхий нарийн бичгийн дарга Ким Жөн Ун даргалан явуулав. 

Хөдөлмөрийн намын Төв хорооны гишүүд, орлогч гишүүд, тус хорооны хэлтсүүдийн төлөөлөгчид хуралдаанд оролцсоноос гадна яамд, үндэсний хүрээлэн, мужийн түвшний удирдах байгууллагууд, хот, тойрог, аж үйлдвэрийн томоохон байгууллагуудын өндөр албан тушаалтнууд, холбогдох гол салбаруудын төлөөлөгчид ажиглагчаар оролцжээ. 

Бүгд хуралдаанаар 2021 оны нам, төрийн бодлогын хэрэгжилтийг дүгнэж, социалист бүтээн байгуулалтыг шинэ үе шатанд гаргахын төлөө нам, ард түмний тэмцлийг ялалтын дараагийн шатанд хүргэх стратеги, тактикийн бодлого, бодит үйл ажиллагааны зорилтуудыг хэлэлцэн шийдвэрлэх юм. Оролцогч талууд энэ удаагийн хуралдаанаар хэлэлцэх асуудлуудыг батлан хэлэлцүүлэгт оруулжээ. 

Эх сурвалж: Montsame.mn 

Сэтгэгдэл (0)