БНСУ, АНУ-ын тохиролцоог БНАСАУ зэмлэн буруушаажээ

2021-05-31

ПЁНЬЯН. /KCNA/. БНСУ, АНУ-ын эрх баригчид Өмнөд Солонгосын баллистик пуужингийн тусгалын зайг 800 км-т хүргэж хязгаарлах тухай хэлэлцээрийг цуцлах тохиролцоонд хүрснийг БНАСАУ зэмлэн буруушаажээ.

Энэ тухай Солонгосын төв цахилгаан мэдээний агентлаг мэдээлэв.

“Энэ тохиролцоо нь БНАСАУ-ын эсрэг чиглэсэн дайсагнасан бодлогоо тууштай хэрэгжүүлэхэд анхаарлаа төвлөрүүлж буйн илрэл бөгөөд увайгүй, хоёр нүүр гаргадаг зан авирын нэгэн тод жишээ юм. БНСУ-ын хувьд Солонгосын хойг дахь нөхцөл байдлыг даамжруулж буйн гол өдөөгч нь хэн болохыг дахин харуулж байна” хэмээн нийтлэлд дурджээ.

Өмнөд Солонгосын баллистик пуужингийн тусгалын зайг хязгаарлах тухай хэлэлцээрийг өмнө нь АНУ-ын Ерөнхийлөгч Жо Байден, БНСУ-ын Ерөнхийлөгч Мүн Жэ Ин нар цуцлахаар тохиролцсон юм.

Пуужингуудынхаа тусгалын зайг 300-800 км-т хүргэхийг тусгасан гэрээг БНСУ АНУ-тай 2012 онд байгуулжээ. Түүнчлэн гэрээнд  зайн тусгал нь 800 км-д хүрдэг пуужингийн цөмийн цэнэгт хошууны жинг нэмэгдүүлэхийг заажээ. Талуудын 1979 онд хүрсэн тохиролцоо болон 2001 онд оруулсан нэмэлт өөрчлөлтөд Өмнөд Солонгосын пуужингуудын тусгалын зай 300 км-ээс хэтрэхгүй, цөмийн цэнэгт хошууны жин хамгийн ихдээ 500 кг байх ёстойг тусгасан байдаг аж.

Эх сурвалж: Montsame.mn 

Сэтгэгдэл (0)