Хятад, Япон, Өмнөд Солонгосын дээд хэмжээний уулзалт энэ онд болохгүй байх магадлалтай

2020-12-14

Япон Улсын Нихон Гейза сонин Хятад, Япон, Өмнөд Солонгосын дээд хэмжээний уулзалтыг энэ ондоо багтаан хийж чадахгүй болсон хэмээн мэдээлэв. Энэ удаагийн дээд хэмжээний уулзалтыг тэргүүлэгч Өмнөд Солонгос Улс энэ оны 12 дугаар сард Пусан хотноо Хятад, Япон, Өмнөд Солонгосын дээд хэмжээний уулзалтыг зохион байгуулахаар бэлтгэл ажлаа хангаад байгаа боловч цуцлагдах магадлал өндөр болсон байна.
Дээд хэмжээний уулзалтыг хойшлуулж буй эсэх талаар БНСУ-ын Ерөнхийлөгчийн Хөх ордны эх сурвалж “…одоогоор шийдвэр гараагүй байгаа бөгөөд КОВИД-19-ийн халдварт цар тахлын нөхцөл байдлыг харгалзан үзнэ…” хэмээгээд “…дээд хэмжээний уулзалттай холбоотойгоор 3 улсын хооронд хэлэлцсэн зүйл байхгүй байна” гэв. Ажиглагчдын үзэж буйгаар ч цаг хугацаа бага үлдсэн мөн КОВИД-19 халдварт цар тахлын нөхцөл байдал хүнд байгаагаас шалтгаалан энэ жил зохион байгуулах боломж байхгүй гэж үзэж байна.

Эх сурвалж: ГАДААД ХАРИЛЦААНЫ ЯАМНЫ ГАДААД СУРТАЛЧИЛГАА СОЁЛЫН ГАЗАР

Сэтгэгдэл (0)