Мүн, Байден нар вакцин, БНАСАУ, эдийн засгийн харилцааны талаар хэлэлцэнэ

2021-05-27

ВАШИНГТОН/CӨҮЛ. /Yonhap/. БНСУ-ын Ерөнхийлөгч Мүн Жэ Ин АНУ-ын Ерөнхийлөгч Жо Байдентай Цагаан ордонд орон нутгийн цагаар баасан гарагт биечлэн уулзана.

Дээд хэмжээний уулзалтын үеэр талууд “COVID-19”-ийн вакцин, БНАСАУ-тай холбоотой асуудал болон хоёр талын эдийн засгийн харилцааны талаар хэлэлцэх төлөвтэй байна. Хоёр орны удирдагчид өмнө нь утсаар болон цахимаар яриа хэлэлцээ хийж байсан ч анх удаа биечлэн уулзах гэж буй нь энэ юм.

Энэхүү уулзалтын үр дүн Сөүл-Вашингтоны ойрын ирээдүйн харилцаанд ихээхэн нөлөө үзүүлэх бөгөөд Мүн Жэ Иний бүрэн эрхийн хугацаа 2022 оны тавдугаар сард дуусах юм. Уулзалтын дараа хоёр орны удирдагчид хэлэлцээнийхээ үр дүнгийн талаар хамтарсан хэвлэлийн бага хурал хийхээр товложээ. Тэд мөн бичгээр хамтарсан мэдэгдэл гаргаж магадгүй байна.  

Сэтгэгдэл (0)