БНСУ, АНУ Солонгосын дайны үеэр амиа алдсан цэргүүдийн үлдэгдлийг хайж эхэлжээ

2021-08-31

СӨҮЛ. /Yonhap/. БНСУ, АНУ 1950-1953 оны Солонгосын дайны үеэр хилийн ойролцоо амиа алдсан цэргүүдийн үлдэгдлийг хайх хамтарсан төслийг мягмар гарагт эхлүүлсэн талаар БНСУ-ын Батлан хамгаалах яам мэдээллээ.

БНСУ-ын 60 орчим цэрэг, АНУ-ын 10 цэрэг зүүн хойд нутгийн Янгу тойрогт орших Пэксок ууланд есдүгээр сарын 16 хүртэл явуулах хамтарсан малтлага ажлаа эхлүүллээ гэж тус яам мэдээлжээ.

Солонгосын дайны үеэр зүүн нутгийн стратегийн гол цэгүүдийн нэгд тооцогдож байсан энэхүү бүсэд 1951 онд олон долоо хоног үргэлжилсэн ширүүн тулаан болж байжээ.

Одоогийн байдлаар тус бүсээс цэргүүдийн 580 гаруй хэсэг үлдэгдэл олдсон байна. Тэдгээрээс 18 хүнийг хэн болохыг нь тогтоосны хоёр нь америкийн цэргүүд байжээ. 

Эх сурвалж: Montsame.mn 

Сэтгэгдэл (0)