БНСУ-ын тусгай төлөөлөгч АНУ-д хүрэлцэн очжээ

2021-08-30

СӨҮЛ. /KBS/. Солонгосын хойгийн энх тайван, аюулгүй байдлын асуудал хариуцсан БНСУ-ын төлөөлөгч Но Гю Док Вашингтонд хүрэлцэн очжээ. Тэрбээр АНУ-ын албаны хүмүүстэй хэлэлцээ хийх юм.

"Бид одоо Солонгосын хойгт энх тайван тогтоох үйл явцыг дахин эхлүүлэх чухал цэг дээр байна гэж бодож байна" гэж БНСУ-ын төлөөлөгч Вашингтон руу мордохынхоо өмнө сэтгүүлчдэд мэдэгджээ. Тэрбээр мөн айлчлалынхаа үеэр “Пёньяны цөмийн асуудал, Солонгосын хойгтой холбоотой янз бүрийн асуудлыг АНУ-ын Засгийн газрын төлөөлөгчидтэй нарийн хэлэлцэхээр төлөвлөж байгаагаа нэмж хэлжээ.

Но Гю Док БНАСАУ-ын асуудал хариуцсан АНУ-ын төлөөлөгч Сон Кимийг Сөүлд айлчилснаас долоо хоногийн дараа Вашингтонд ирсэн байна. Наймдугаар 23-нд тэрбээр Сон Кимтэй уулзаж, Солонгосын хойгийг цөмөөс зэвсгээс ангижруулах, бүс нутгийн хурцадмал байдлыг намжаах асуудлаарх хэлэлцээг сэргээхэд гаргах хамтын хүчин чармайлтыг хэлэлцжээ.

Эх сурвалж: Montsame.mn 

Сэтгэгдэл (0)