БНСУ-д зохион байгуулагдсан тэмцээнд дэд байр эзэлжээ

2021-08-19

БНСУ-ын Тэгү хотод 2021 оны 7 дугаар сарын 16-17-ны өдрүүдэд болсон Олон улсын Гоцлол бүжигчдийн "Б" зэрэглэлийн 6 дахь удаагийн тэмцээн зохион байгуулагдаж, гадаад, дотоодын 110 бүжигчин бичлэгээ явуулж, оролцсоноос Монгол Улсын Үндэсний Урлагийн Их Театрын бүжигчин Б.Эрдэнэбаяр "Этник" төрлөөр Дэд байранд орж, бахархалтай үйл явдал болсон байна.

Тэрээр саяхан Пусан хотод зохиогдсон Олон улсын бүжгийн 17-р наадамд Монгол улсаа төлөөлж оролцсон бөгөөд БНСУ-ын Солонгосын урлаг, соёл, боловсролын сайдын нэрэмжит олон улсын бүжгийн тэмцээний

"Этник" төрөлд Тэргүүн байр, цомын эзэн болж, мөн "2021 BIDF The 3rd Korea Dance Grand Prix" олон улсын бүжгийн тэмцээний "Этник" төрөлд 2(silver)-р байр, "BIDF видео бичлэгийн уралдааны" Тэргүүн байруудыг тус тус эзэлж энэхүү наадмаас 3 шагнал зэрэг хүртэн эх орныхоо нэрийг өндөрт өргөж байсан авьяаслаг уран бүтээлч юм.

Эх сурвалж: Consulate of Mongolia in Busan / Пусан хотод суугаа Консулын газар

Сэтгэгдэл (0)