Элчин сайдын яамнаас мэдээлж байна

2021-08-19

МЭДЭЭЛЭЛ

БНСУ-ын Халдварт өвчин судлалын газраас КОВИД-19 цар тахлаас урьдчилан сэргийлэх нийтийн дархлаажуулалтын 8, 9 дүгээр сарын төлөвлөгөөг 2021.07.30-ны өдөр олон нийтэд мэдээлэв. Төлөвлөгөөний дагуу БНСУ нь 3 дугаар улиралд буюу 9 дүгээр сарын эцэс гэхэд нийт хүн амын 70 хувь /36 сая хүн/-ийг дархлаажуулалтын нэгдүгээр тунд хамруулах зорилт тавиад байна.

Энэ хүрээнд 8 дугаар сард 18-49 /1972.01.01-2003.12.31-ний хооронд төрсөн/ насны иргэдийг дархлаажуулалтад хамруулах бүртгэлийг хийж, тарилгыг эхлүүлнэ. Мөн дархлаажуулалтын бүртгэл, тарилгад хамрагдах боломжгүй байсан нийгмийн бусад давхаргыг дархлаажуултад хамруулах зорилт тавьж бүртгэлгүй гадаад иргэд /оршин суух визгүй иргэд/-ийг дархлаажуулалтад хамруулах болохоо албан ёсоор зарлав. Иймд Иргэд та бүхэн хуваарийн дагуу дархлаажуулалтын бүртгэл, тарилгад хамрагдаж өөрийгөө болон гэр бүлээ эрсдлээс хамгаална уу. Дэлгэрэнгүй мэдээллийг 1339 тусгай дугаараас лавлах боломжтой.

Эх сурвалж: ЭСЯ-ны Консулын хэлтэс

Сэтгэгдэл (0)