БНСУ, АНУ хамтарсан цэргийн сургуулилалтаа эхлүүлжээ

2021-08-18

СӨҮЛ. /Yonhap/. БНАСАУ-ын аюулгүй байдалтай холбоотой заналхийлсэн мэдэгдэл, хүчтэй эсэргүүцлийг үл харгалзан БНСУ, АНУ жил тутмын хамтарсан цэргийн сургуулилалтаа өнөөдрөөс эхлүүллээ.

Хойгт болох есөн өдрийн сургуулилалтаар хээрийн бэлтгэл хийхгүй бөгөөд компьютерийн симуляцид голчлон тулгуурлана гэж БНСУ-ын Нэгдсэн штабын дарга нарын хорооноос мэдээлжээ.

Энэхүү сургууль бусад сургуулилалтын нэгэн адил батлан хамгаалах шинж чанартай гэдгийг уг мэдэгдэлд онцлон тэмдэглэсэн байна. Мөн “COVID-19” халдварын нөхцөл байдлыг харгалзан оролцох цэргүүдийн тоог өнгөрсөн гуравдугаар сард явуулсан хамтарсан сургуулийнхаас цомхон хүрээнд байлгах ажээ.

Пёньяны хувьд яриа хэлэлцээ, энх тайвны төлөөх хүчин чармайлтыг нь үл харгалзан дайны сургуулилалтаа үргэлжлүүлж байна гэж хоёр орныг буруутгасан юм. Түүнчлэн БНСУ-тай өдөр тутам холбоо тогтоодог харилцаа холбооны шугамаа дахин хаах гэх мэт ноцтой үр дагаврууд үүснэ гэдгийг анхааруулаад байна. 

Эх сурвалж: Montsame.mn 

Сэтгэгдэл (0)