“Булганхангайн хүчтэнүүд” Дуган хадад бэлтгэлдээ гарчээ
Ардын хувьсгалын 92 жилийн ойн баяр наадам 20 гаруй хоногийн дараа болно. Тиймээс  бөхчүүд наадмын бэлтгэлд гарчээ. 
Баян-Өлгий аймгийн “Бес Богда бүргэд” дэвжээнийхэн Тэрэлжид наадмын бэлтгэлээ хийж байгаа бол Булган аймгийн “Булганхангайн хүчтэнүүд” Дуган хад дахь жуулчны баазад наадмын бэлтгэлдээ гарсан байна. Энэ галыг Улсын гарьд И.Доржсамбуу ахалж, Улсын арслан Д.Азжаргал, заан М.Өсөхбаяр, өсөх идэр начин И.Ёндонсамбуу, Ц.Цогтжаргал, Э.Энхбат, Аймгийн арслан А.Сүмбээ, Н.Түвшинбаяр, Д.Амаржаргал, Б.Бат-Эрдэнэ, аймгийн харцага Д.Пүрэвдорж, Б.Амбасэлмаа, С.Чулуунхүү, аймгийн начин Д.Ихтамир, П.Даваадорж нарын 30 гаруй бөх бэлтгэлээ базааж байна. 
Тэгвэл Баянхонгор аймгийн “Хонгор нутаг” дэвжээний бөхчүүд Улсын харцага Д.Батболдоор ахлуулан Бугын сангийн аж ахуйд өчигдрөөс бэлтгэлээ базааж эхэллээ. Энд Баянхонгор, Өвөрхангай, “Хилчин” спорт хорооны бөхчүүд бэлтгэлээ хийдэг уламжлалтай юм. 

Н.НОМИН 

Эх сурвалж http://www.info.mn