“Зохиолын дууны ханхүү” гэгдэх дуучин С.Жавхлан монгол хүн гэдгээрээ их омогшдог. Гэр бүлээрээ үндэсний дээл хувцас өмсөж, эхнэрээ араг түшүүлж төрүүлсэн гэх зэргээр түүний омогшил гэргийд нь цаг ямагт нөлөөлдөг бололтой.

С.Жавхлангийн гэргий “Шуранхай” хамтлагийн дуучин Үүрийнтуяа нь хоёр сайхан охин төрүүлж, нэг хэсэгтээ урлагаас хөндийрөн гэртээ эх хүний үүргээ гүйцэтгэсэн. Урлагийн хүнд хамгийн чухал зүйл гадаад үзэмж, гоо сайхан байдаг. Тэгвэл зохиолын дууны ханхүү маань эхнэртээ нүүрээ будахгүй байхыг даалгасан гэнэ шүү. Дуучин бүсгүй маань ард түмэндээ будаггүйгээр урлагийн гоо сайхныг мэдрүүлэх бололтой.

Удахгүй дуучин залуу ээлжит хэвлэлийн хурлаа зарлаж, монгол бүсгүйчүүдээ нүүрээ будахаас татгалзахыг уриалвал та битгий гайхаарай.

С.УРАНЧИМЭГ