Батга гэдэг зүйл хүмүүсийн санааг зовоосон асуудлын нэг. Нүүрэн дээгүүр батга гарчихаар хэрхэн эмчлэх аргаа олж ядан хүмүүс тэвддэг шүү дээ. Гэхдээ батга гээч зүйлийг дур мэдэн хамаагүй эмчлээд байдаггүй. Нүүр батгаших шалтгаан янз бүр байдгаас ихэвчлэн хоол боловсруулах замын өвчин эмгэгийн үед батга их гардаг.

 

Тэгэхээр нүүрэн дээр батга шаваад эхлэвэл иргэн таны дотор эрхтний үйл ажиллагаа хямарсан байна гэж үзэн эмнэлэгт хандаарай. Мөн батгыг өөрсдөө дур мэдэн шахах гэж оролдох нь бүүр ч аюултай гэдгийг сануулахад илүүдэхгүй байх аа. Хүмүүс бид өдөр тутамдаа хичнээн их бохирлогдсон нянтай зүйлсийг барьж, хэрэглэдэг билээ.

 

Үүнийхээ дараа гараа хэрхэн бохирлогдсоныг тэр бүр мэдэж чаддаггүй.Заримдаа иргэд гараа ч угаалгүй явж байх нь нэлээд тохиолддог зүйлс. Хэрвээ батгаа та өөрөө шахаж байгаа бол миний дээр өгүүлэх гээд байгаа зүйлийг санах хэрэгтэй юм. Бохир гараар хэзээ ч бүү батгаа шах.

 

Ингэснээрээ батгаа багасгах биш, харин ч улам нэмэгдүүлнэ гэдгийг санаарай. Бүүр цаашлаад үрэвсүүлнэ шүү дээ. Мөн  батга нь тосны булчирхайн үрэвсэл бөгөөд энэ нь арьсаа зөв арчлаагүйгээс болон дааврын үйл ажиллагааны алдагдлаас болж үүснэ. Тосон суурьтай арьс арчилгааны бүтээгдэхүүн, дааврын өөрчлөлт ялангуяа сарын тэмдгийн үед, батгыг бохир гараар шахах зэрэг нь батга үүсэхэд ихээнэ нөлөөлдөг. Тэгвэл үүнээс салах хэдэн зөвлөгөөг хүргэж байна.


1. Бензойлын периоксид, салицилийн хүчил агуулсан нүүр цэвэрлэгч, саван, лосьо, тос гэх мэт аль ч төрлийн эмчилгээний арьс арчилгааны бүтээгдэхүүн нь хамгийн үр дүнтэй юм. Тэгэхээр арьс арчилгааны бүтээгдэхүүн авахдаа энэ хоёр нэгдлийг агуулсан эсэхийг нь асууж үзээрэй. Гэхдээ эдгээр бүтээгдэхүүнийг хамгийн багадаа 8 долоо хоног хэрэглэх ба 2 сар хэрэглээд үр дүн өгөхгүй бол бүтээгдэхүүнээ солих хэрэгтэй.

 


2. Өдөрт 2 литр ус ууж хэвшээрэй. Хангалттай шингэн нь бие организмийн солилцоо хангалттай сайн явагдах нөхцлийг бүрдүүлдэг ба ингэснээр хөлс болон тосны булчирхайн үйл ажиллагаа сайжирна.

 


3. Витамин А, Е агуулсан хоол хүнс хэрэглэх. Витамин А нь загас, өндөг, элэг, улаан лооль, аарц, сүүнд их хэмжээгээр агуулагддаг. Харин сүү цагаан идээ, улаан буудайнд витамин Е ихээр агуулагддаг байна.

 


4. Идэвхитэй дасгал, хөдөлгөөн нь цусны эргэлтийг сайжруулснаар бодисын солилцоог эрчимжиж батганы гаралтыг бууруулна.