Бээжингийн олимпоос монголчууд бид анхны алтан медалиа хүртэж улс үндэстэнээрээ баярласан. Тэр цагаас хойш хэдийнэ гурван жил өнгөрчээ. Тухайн үед тэрхүү гавьяаг байгуулсан тамирчдад бэлэг амалсан олон эрхэмүүдийн дунд алдарт Ц.Мянганбаяр алт амлаж толгой цохисон.  Харин өнөөдөр түүний амлалт тал дээр хоцорсон бололтой. Жаст группт худалдсан “Олон Овоот”-ынхоо асуудлаар чих халууцуулж суугаа  “ Монгол Газар”-ын захирал Ц.Мянганбаяр “Олон Овоот”-ын уурхайгаас дөрвөн тонн алт ухаад авчихсан хэрнээ монголын анхны олимпийн  аваргад амласан алтаа өгч чадахгуй байгаа нь хачирхалтай. Харин саяхан түүнээс нэгэн сэтгүүлч  ” аваргад амласан алтаа  хэзээ өгөх вэ?” гэж асуусанд “Өгнө. өгнө. Би өнөөдөр амласнаа маргааш нь мартдаг худалч хүн биш. Алт олонгуутаа л тэр алтыг чинь цулаар нь өгнө” хэмээн томорчээ. Нэг л уурхайн амнаас дөрвөн тонн алт хормойлсон хэрнээ олимпийн аваргуудад амласан алтаа өгч чадахгүй байгаа Ц.Мянганбаяр захирлын доодохыг харсаар олимпийн аваргууд маань дараагийнхаа олимптой золгох нь бололтой дог шүү.

А.Сарнай