Чихрийн шижин өвчний үед:
• Хоол
• Биеийн тамир
• Эмийн эмчилгээний маш нарийн дэглэм сахих ёстой.

Хэрэглэх хоолны онцлог нь цусан дахь сахарын хэмжээг тогтворжуулах холестрин бууруулах, хүндрэлээс сэргийлэх ач холбогдолтой. Чихрийн шижин өвчний үеийн эмчилгээний хоол хорих, хязгаарлах бус, өвчний явцад хоолны хэмжээ, нэр төрөл, хооллох цаг зэргийг зөв зохицуулахад оршино.

Хоолоо сонгохдоо:
• Юуг, Ямар хэмжээгээр
• Хэрхэн,
• Хэдийд, гэсэн асуултыг өөртөө тавиарай. Хоногт 5-6 удаа хооллох нь илүү зохимжтой.

Хооллох зарчим:

• Өдөр бүр тогтмол цагт тогтоосон хэмжээгээр хооллох
• Өдөр бүр зургаан төрлийн хүнсний бүтээгдэхүүнээс зохистой хэмжээгээр идэж хэрэглэх
• Илчлэг ихтэй тослог хоол хүнснээс зайлсхийх (боорцог, өрөм, шар тос, айраг)
• Элсэн чихэр, зөгийн бал зэрэг энгийн нүүрс уснаас зайлсхийх
• Амьтны гаралтай өөх тос, холестролын хэмжээг багасгах (хиам, маргарин, самрын тос, дотор мах, гахайн мах, таван цулын шөл, шарсан утсан мах, боодог, лаазалсан мах, хонины мах, шарсан тахиа, давсалсан загас гэх мэт)
• Эслэг ихтэй хоол хүнс хэрэглэх (хар талх, хар гурил, хэвэг, хөц будаа, алим, лийр, өргөст хэмх гм)
• Архи тамхи зэрэг хорт зуршлуудаас татгалзах
• Давсархаг хоолноос зайлсхийх
• Бүх төрлийн амтлагч, халуун ногоо, цуу, кетчуп, жан гм татгалзах
• Хагас боловсруулсан хүнсний бүтээгдэхүүнээс татгалзах

/Нийгмийн толь/